ذلك النسيم العليل في الصباح وزقزة الطيور فوق الأشجار الخضراء وتمايل أغصانها مع لمسات الهواء اطل يوم جديد<<<مقدمة.........
الموضوع....
في يوم عصرية مغبر باحد ضواحي الرياض
وانا جالسة اتقهوى مع امي واخوي والتلفزيون على artالرياضية
والله ياهي تحوم التسبد خصوصا لاكنت جاية من دوام مع بثرين متعصبين كروووين ......
الا اخوي سعابيله تقطر وحاط عينه على التلفزيون ويشوف ياسر قحط ويل همس <<ويليام هامسون...
وتجي اميمتي وتقوله نعنبوا دارك بعد عن تلفعيون<<تلفزيون
وانا جالسة واقدح من هالحلا ومعلقة عيوني على البلاك بيري
الا الجرس يرن ويقوم اخوي يفتح الباب الا ذا واحد يبي يخطبني
عاد هنا جلست اتخيل خشته هل هي مهند والا وائل كفوري
رومنسي والا ان رومنسي غني والا طفران ..وووإلخ من الاحلام البنية
ويوم رحت اتسمع من ورا الباب <<أي اخوي ابو اذاني مغرفة شوربة م . م. ج <ماعنده ماعند جدتي <<صدقوني ترى كلامي ذا صحيح
المهم واقعد اخز عريس الغفلة ويوم شفته وانا انط واصرخ ذيك الصرخة يابعد عمري جاء اليوم واخيرا.....<<اكيد بتقولون عنه شبيه مهند لالا تراه العن من مناحي قروي خااالص....
اكيد تقولون ليه انا استانست
أي اخيرا بيطيح عني مسمى عانس ...
المهم يوم جاء الجد ووقت الشروط الا اخوي مفهي ..
هو بوادي والسالفة بوادي..
وجت جدتي عفوا سوبر جدتي......
وتقولي يابسيم قلع يقلعك قومي هاتي بشتي خليني اتفاهم مع شعب التمساح ذيا<<ترى جدتي تعرف مسميات التمساح والسحلية.باختصار مثقفة.
وتلبس بشتها وتدخل على اخوي والعريس تنحي <<انعن ابو الاسم
الا تنحي يفتح فمه 3600 درجة ويسعبل بمقدار مئة الف لتر بالثانية<<حرمة داخلة بالمجلس....<يحمد ربه لابسة بشت..
ويوم دخلت الا هو يقول عسى انتي امي عيالي تسانتس انتي ترى ماابيتس <عاد هنا تحطمت الاحلام البنية
واقوم وافتح الباب بعنف وانا اصارخ لالا ذي جدتي انا انا العروس
<<عاد هنا استوعبت اني لابسة بنطلون وبلوزة فاضحين<<عندنا عيب البنت بالنظرة الشرعية لازم عباية
الا هو يفهي ويقول ابتس انتي كوكوناليز رز <<كونداليزا رايس
الا وجدتي تجلدني ذيك الجلدة اللي سوت مني صاروخ ناسا..
وانا اطير باقصى سرعة الى الثلاجة واطلع ثلج <<تعرفون لازم نخفي الرظوظ قبل العرس
وانا بهالحظة اسمع صوت الخناق واروح اركض للدوانية الا جدتي جالسة فوق العريس وتقول لاخوي قم جب نجري خلني ادق راسه موهب معطينا مهر مية الف
وانا اتدخل واقولها ماابي ماابي مهر بس ابي اتزوج
الا جدتي تقولي ترى الحين ادق راسك معه انتي غالية ولازم يعرف قيمتك
عاد هنا يقوم العريس وينحاش وانا اشوف احلامي البنية تتناثر
وجدتي تقولي بقريح
وانا افكر انا العانس الوحيدة بين ربعي وشلتي
ومرت الايام وانا بغرفتي حتى الدوام مااروح له وبس اصيح ابي تنحي يعني ابيه ويوم دريت الا جرس الباب يدق وانا انقز واقولهم انا اللي افتح ويوم افتح الباب الا هو تنحي ويقول نزلي المهر واتزوجك وتجي جدتي وترفع المهر الى 200 الف ...وانا بينهم واقوم واطلع واركب بوانيت تنحي واقوله امش للماذون متزوجتك يعني متزوجتك .ومن عقب الحركة ويطيح اللي براس جدتي وتوافق على 50 الف وانبسط .....ونسيت عذاب الايام الجاية......
ومر اليوم ومن بكرة وانا بالسوق <<تعرفون الجهاز
ومن سوق لسوق <<وربي رجليني تكسرت صرت استخدم كرسي متحرك....
وجاء اليوم المعهود وطبعا امي مسوية فيها مسلسل هندي والدموع شلالات وانا ضحكتي من الهملايا للانديز
وجاء وقت الزفة وصوت اليسا تغني ..عبالي حبيبي ووإلخ
وانا واصلة الوناسة واتخيل تنحي رزة
يوم دريت الا هو داخل بثوبه اللاصفر وشماغه المتنتف على كتفه
واسكت واقول بقلبي امري لله
وتمر الايام وبيوم منن الايام اسمع صوت المنبه <<اوقته عشان اقوم تنحي يروح للغنم ...
الا وانا احس ظهري مقسوم نصين الا هي ضربه من ضربات سوبر خشم مفلطح<<عرفتوها الشغالة
الا ذا السالفة كلها طلعت حلم بحلم وعريس الغفلة ماجاء وعذره المهر .....
المهم واقوم واروح للحمام<<وانتم بكرامة وواخذ لي شور عشان دوام البثارة وابو علاء لا نتاخر عليه
وداومت ورجعت للبيت مصدعة من بثارة الموظفين اللي بس لقلقلقلقلقلقلق فوق راسي
وخمدت للعصر وعلى بداية والا ARTمع امي واخوي وابوي
للعشاء واطلع للسوق اتسيوق ملابس باتسر حقت دوام البثارة
وارجع للبيت واخمد واعيش بحلم اخر.......
مايستفاد من اللقلقلقلق<<الموضوع::
1\فاضية واطقطق لي لقلقات<<يعيني خربطات.
2\اثار الطفش والملل تبدع بالانسان
............
والسلام خير ختام